သင့်ရင်​​သွေး​တွေကိုအ​တောင်ပံတပ်လိုက်ပါ

သင့်ရင်​​သွေး​ကိုအ​တောင်ပံတပ်လိုက်ပါ

ငှက်က​လေး​တွေမှာအမြင့်ဆုံးပျံသန်းဖို့ အ​တောင်ပံ​တစ်စုံ လိုအပ်သလို လူက​လေး​တွေမှာလည်း အမြင့်ဆုံးပျံသန်းဖို့ အ​တောင်ပံတစ်စုံလိုပါတယ်။ ဒီအ​တောင်ပံက​တော့ တခြားအရာမဟုတ်ပါဘူး ​မေ​မေတို့​ရေ " ယုံကြည်မှု " ဆိုတဲ့ အ​တောင်ပံပဲ ဖြစ်တယ်။ မိဘ​တွေအ​နေနဲ့ သားသမီး​တွေ အ​ပေါ်​ပေးနိုင်တဲ့ အကြီးမားဆုံး လက်​ဆောင်​တွေထဲတစ်ခုက "ယုံကြည်မှု" ဘဲဖြစ်တယ်။ ​

မေ​မေတို့ရဲ့ရင်​သွေး​လေး​တွေ ဘဝကိုယုံကြည်ချက်ရှိရှိ ၊ အမှီခိုကင်းကင်း ရပ်တည်နိုင်ဖို့၊ သူတို့ကိုယ် သူတို့ယုံကြည်မှု့ရှိ​အောင် ပျိုး​ထောင်​ပေးဖို့ အရမ်းအ​ရေးကြီးတယ်​နော်။ ဒါ​ကြောင့် ​အောက်မှာ​ရေးထားတဲ့ နည်းလမ်း​လေး​တွေကို အသုံးပြုပြီး က​လေး​တွေပျံသန်းဖို့ အ​တောင်ပံ​လေးတပ် လိုက်ကြရ​​အောင်။

၁. ထိန်းချုပ်မယ့်အစား အကြံ​ပေးပါ။

မိဘ​တွေ​တော်​တော်များများ ပြုလုပ်​လေ့ရှိတဲ့အရာက က​လေး​တွေကို ဟိုဟာမလုပ်ရ၊ ဒီဟာမလုပ်ရ၊ ဟိုမသွားရ၊ ဒါမစားရ ဆိုပြီး ချုပ်ချယ်လွန်းတာမျိုးဖြစ်တယ်။ ထိန်းချုပ်လွန်း ချုပ်ချယ်လွန်းရင် က​လေးကိုယ်တိုင်က ကိုယ်ပိုင်ဘဝ၊ ကိုယ်ပိုင် ဆုံးဖြတ်ချက်​တွေ ​ပျောက်ဆုံးလာပြီး ကိုယ့်ကိုကိုယ်ယုံကြည်မှု ကင်းမဲ့လာနိုင်ပါတယ်။ ​တစ်​နေ့ ကိုယ်​တွေက သူတို့အနားမှာမရှိနိုင်​တော့ရင် သူတို့ဘဝရဲ့ဆုံးဖြတ်ချက်ကို သူတို့ကိုယ်တိုင် ချမှတ်ရမှာဖြစ်ပြီး​ သူတို့ဘဝကိုလည်း သူတို့ကိုယ်တိုင်လျှောက်​လမ်းရမှာဖြစ်တယ်။ ဒီ​တော့ အခုချိန်ကစပြီး သူတို့အ​ပေါ်ထိန်းချုပ်​နေတာ ​လျော့ချပြီး သူတို့ရဲ့ လုပ်​ဆောင်ချက်​တွေအ​ပေါ် အကြံ​​ပေးတာမျိုးလုပ်​ပေးပါ။

၂. ကိုယ့်အားကိုကိုးတတ်ဖို့သင်​ပေးပါ။ ​

မေ​မေတို့က သားသားမီးမီး​တွေကို ချစ်လွန်းလို့ဘာမှမလုပ်ခိုင်း၊ မကိုင်ခိုင်း ပဲဖူးဖူးမှုတ်ထားတာမျိုးလုပ်တတ်ကြတယ်။ တကယ်​တော့ ဒါဟာ က​လေး​တွေကိုချစ်တာမဟုတ်ဘဲ အလိုလိုက်တာပါ။ က​လေး​တွေကိုယ် သူတို့ရဲ့ အသက်အရွယ်အလိုက် ၊ခန္ဓာကိုယ်ဖွံ့ဖြိုးမှုအလိုက် သူတို့ လုပ်နိုင်တာလုပ်ခိုင်းတာမျိုး၊ သူတို့တာဝန် သူတို့ယူနိုငိတာမျိုး​တွေ သင်ထား​ပေးသင့်ပါတယ်။ ဥပမာ (၁၀) နှစ်သား အရွယ်​က​လေးတစ်​ယောက်ဟာ ကိုယ့်အိပ်ယာကို သိမ်းနိုင်၊ ကိုယ့်အဝတ်ကို ဝတ်နိုင်၊ ကိုယ့်ရဲ့​ဝေယျာဝိစ္စကို ကိုယ်တိုင်လုပ်နိုင်ဖို့ ​မေ​မေတို့က​နေ သင်ထား​ပေးရပါမယ်။ အဓိက အချက်က ချစ်တာနဲ့ အလိုလိုက်တာကို ကွဲကွဲပြားပြား နားလည်ထားဖို့လိုပါတယ်။ ကိုယ့်တာဝန်ကိုယ်ယူနိုင်တဲ့က​လေး​တွေဟာ အရွယ်​ရောက်လာတဲ့အချိန်မှာတခြားသူ​တွေထက်ပိုပြီး ယုံကြည်မှုရှိပါတယ်။

၃.အပြစ်တင်တာကိုရပ်ပါ။

ကျွန်မတို့ တော်​​တော်များများ လုပ်မိ​နေတဲ့အမှားတစ်ခုက တစ်ပါးသူအ​ပေါ် အပြစ်တင်လွန်းတာပါ။ အရွယ်​ရောက်ပြီးသားသူ​တွေ​တောင် အမှားနဲ့ မကင်းရင် က​လေး​တွေဆို ပိုပြီးမှားတတ်ကြပါတယ်။ ဒါကိုကျွန်မတို့က ဇွတ်အပြစ်တင်​နေမယ်ဆိုရင် ကျွန်မတို့ရဲ့က​လေး​တွေဟာ အသစ်အစမ်းတစ်ခုခု၊ စိန်​ခေါ်မှု​တွေကို လုပ်ဖို့​ယုံကြည်ချက်နည်း​နေပါလိမ့်မယ်။ ဘာ​ကြောင့်လဲဆို​​​​တော့ သူသာ အမှားလုပ်မိရင် အပြစ်တင်ခံရမယ် ဆိုတဲ့ အစွဲသူ့ဆီမှာကပ်​နေပြီ​လေ။ ဒါ​ကြောင့် သူမှားတာရှိရင် ဒီအမှားကိုသင်ခန်းစာယူတတ်​အောင် လမ်းညွှန်ကြပါ။ တကယ်​တော့ က​လေးတစ်​ယောက်ရဲ့ဘဝ​ရှေ့​ရေးက ​မေ​မေတို့အ​ပေါ်မှာအများကြီးမူတည်ပါတယ်။ စကားတစ်ခွန်း​တောင်ရှိ​သေးတယ်မလား " ပုခက်လွဲ​သောလက်သည် ကမ္ဘာကိုအုပ်စိုးနိုင်သည်" တဲ့ ။ ဒါ​ကြောင့် ​မေ​မေတို့အ​နေနဲ့ က​လေး​တွေကို ယုံကြည်မှုရှိတဲ့ က​လေး​တွေဖြစ်​အောင်ပျိုး​ထောင်ရမယ်။ "ယုံကြည်မှု" ဆိုတဲ့ ​တောင်ပံတစ်စုံက ​မေ​မေတို့​ပေးနိုင်တဲ့ အ​မွေ​တွေထဲကတစ်ခုဆို​တော့ အခုဘဲ ​ပေးလိုက်ရ​အောင်​နော်။

ရေးသားသူ- See Myar (Mom Content Writer)